(Edisi bahasa banjar-barabai)
Miss Earth 2012 pacangan
diadaakan di Indonesia.
Kabar nituh sabujurnya
lain berita nang rame gasan ulun(ah... ba-aku haja gen nah) nang katuju banar
lawan kontis kabungasan bibinian di dunia nang kaya Miss Universe(Nang langkar
Sajagat). Ujjah..
Tapi imbah mang-google
acara ninih ‘adakah pacangan disiarakan’
(hehe, handak jua
maliat, handak jua mambandingkan mana bungasnya lawan Miss Yunipers),
Naah ini lain kabar
biasa
Ay babulik ka tupik
asal. Pas aku mancari ‘wayah apa nih’ muncul
di tipi...
Uwh... sakalinya pacangan
ditayang akan di ANTV jar tanggal 28 Oktober 2012.
Bis tu, pas maliat
iklannya tuh nang kaya dibawah ini nih:
Tahu lah napa nang
maulah aku ta-nganga2 kurang tambah sa98
datik(seingat aku haja pank lah, mun kada salah)?
Nitu tuh... nang di
bawah... Ada Taylor Swift jar........ akay yay...
Ninih nah kabar nang
ungah gasan urang nang katuju banar lawan panyanyi bungas barambut ikal-ikal pirang nang mun
takurihing maulah urang nang kaya aku tabayang-bayang di mimpi(lebay..Ngek)
Taylor Swift
Asa ungah-ai sudah
mambayangakan Taylor Swift banyanyi-nyanyi di Indonesia di Bali jar pacangan.
Amun aku mambayangakan
inya tuh babaju kebaya bali atau inya ba-batik nang dimudifikasi gasan inya
tampil.
Asa ta-bayang-bayang
inya takurihing.
Habis tu aku kada
taguring-guring malihat acara nang ada inya banyanyi.
Ungah ti pang malihat
pacangan
Taylor Swift
Acara nang kaya nitu-tuh
sarajin malam disiar-akan
Sudah aku rancana akan
wayah ini napa-napa nang diparsiapakan gasan manuntun acara ntuh, nang kaya:
nukar mi gasan dikuhup, nukar banyu nang barasa-rasa(nangapa kah nang
manis-manis, nang kaya Taylor Swift), guring tarus siangnya nituh.
Acaranya tuh ku lihati
di kalindir ‘saminggu imbah hari raya’, jadi dibanyaki ai guring siang nang
kaya sarajin puasaan kaluku landung hanyar tuntung..ujjah..ngek
Asa bahagia sudah aku
‘pacangan malihat Taylor Swift di Indonesia’..
Ungah bangaaat.......
Pas pandaritaan ku
datang, pas tu aku bakisah anu kawan ku kaya apa nih ada rancanakah kita imbah
hari raya, bajalanan kamana kah,
‘bah.. palingan kita
libur imbah hari raya tuh ampat hari, imbah tu ospek kalo...’
Naaaaaaahhhhhh...............
Aku hanyar ingat ospek kami tanggal 28-30, tanggal 27 harus turun gasan
pangarahan, jadi aku saku tulak ka rumah kus-kusan ku tanggal 26.....
Asa kayaapa hatiku
taingat ospek nang sama lawan acara nang ada Taylor Swift ka Indonesia...
Manurut bubuhan ikam
kayaapa parasaanku imbah mandangar kabar tuh:
aa.
nang
kaya tataguk biji kadungdung (na’ujubillah)
bb. nang kaya imbah diputusi pacar (akay,
na’ujubillah pangakat dua, galau ni pacangan, piss)
cc. nang kaya balajar matematika lawan
fisika haja samingguan pul (Aaa.. na’ujubillah pangakat tiga, Kada tabayang)
dd. nang kaya dicium m*m*d atau m*l*k (na’ujubillah
pangkat samiliyar, isuk kiamat saku amun tajadi)
ee.
samua
bujur 
Nyata ai jawabannya
‘e’
Argh..... Ngek.... *@#!>?:@$$%*^(_+!!#$?)+%#**’@% OHHHHH.....KAAAADAAAAAA
Tarimakasih sudah
mambaca kisahku..
Nah...galau tarus tu
satiap hari
imbah tu aku bapikir
baasa, mun kaya ini tarus aku bisa maulah rusak ka awak.
Baik ku ampihi ha
ka-galauan aku nih. Ku pikir-pikir, aku kawa haja mancari vidiu Taylor Swift di
Yutup.
Ni ada nang handak ku
kisah akan nah, tambahan:
Miss Earth(Galuh
Sabumian/Galuh Tanah.hehe) nituh acara babubungasan pipintaran bibinian nang
katiga pangganalnya lawan nang pupulir didunia.
Numur satu nya tuh si
Miss Universe (Galuh sajagat), ngarannya haja sajagat(bungasnya kada sabumi
haja, di bulan inya jua, di mars inya jua pambungasnya, sajagat pang..ujjah),
kaya apa kada numur satu, nang manang bisa jadi artis, bintang iklan,vpangusaha,
nang jadi seleb intertain inputaimen kaya itulah, sampai ada nang kawa jadi
calun prisidin, harat kalu..
Nang kadua ntuh si Miss
World (Galuh sadunia), parasaan ku sama haja antara sadunia lawan
sabumian(dunia nang kita jajak ni iya bumi kalu, neh sama haja), tapi miss
world lawas pang sudah bajalan, kada kalah lawan pamanang miss universe banyak
jua mancitak jadi artis.
Mun Miss Earth ni hanyar
banar, makanya-am kada tapian tarkanal.
Miss Earth nih pas ku
baca dimana-mana kah,unik jua cara bamainnya.
Balain lawan Miss
Universe atau Miss World, ada ciri khasnya
jua.
Amun di Miss Universe
nang sesi babaju b*kut*ng b*c*w*t wajib samuanya umpat, khusus nang manang
sampai numur 15 pas malam acaranya tuh dasar diungkaiakan anu panuntun lawan
juri pas acara puncak(nang kaya ini nang maulah kuntrupirisi di Indonesia),
lawan miss universe tu ada nang parade babaju sasuai lawan ciri khas nagara
inya(nang ini nang aku katuju banar), Miss Universe 2012 pacang diadakan
dibulan disimbir jar, balum di padahakan dimana diadaakan, mudahanai di
Indonesia. Ah, nang panting mudahan aku kawa malihat, kada aur kuliah.
Amun di Miss World ada
jua nang sesi babaju kaya itu-an, tasarah handak umpat. Tapi pas acara puncak
nya kada disudurakan anu panuntun, sarajin tu acara babaju kaya itu-an khusus
diadaakan sabalum acara puncak, amun manang dapat gelar(gelar napa yu bahasa
barabainya?)” Miss World
Beach Beauty” jar, banyak ae gelar-gelarnya, kaya Miss World Talent, Miss World
Top Model, banyakai lagi, nang dapat gelar tuh utumatis dah masuk 15 ganal.
Tahun ini Miss World, di ada akan di Mongolia, nah parak sudah muncul di tipi,
tanggal 18 Agustus ni jar di RCTI. Tahun 2013 di Indonesia jar, ngaran tamapat
disalanggaraakannya tuh di Tabanan, di Bali.
Nah, mun di Miss Earth
aku kada tapi tahu, tapi pas googlei, ku baca-baca ada jua nang sesi babaju
kaya itu-an. Tasarah haja jua siapa nang handak umpat, kada wajib. Nang
bakarudung jar bulih jua umpat, mun kada tasalah aku mambaca. Mbah tu, siapa
nang manang dapat gelar Miss Earth, nang juara 2 ka bawahnya tuh kada runner
up(raner ap) nang kaya Miss Universe, ada nang jadi Miss Water(galuh banyu),
Miss Air(galuh udara), Miss Fire(galuh api), kaya itu mun kada salah aku
mambaca(kaya di Avatar ha lih).
Postingan
